我最近先發現，原來除咗寫真界多美女，其實Cosplay界都有唔少甜美少女，今日介紹嘅「紗愛（すずな）」就係一位擁有24萬粉絲嘅Coser。

起初「紗愛」只係一個普通動漫迷，直到有日佢喺網上見到日本Cosplay界「一姐」Enako嘅靚相，頓時被對方吸引同埋覺得好可愛，繼而心郁郁想嘗試一下，但佢一諗到Cosplay係可愛女仔先做嘅行為所以就冇咗回事。好彩嘅係，後來佢經同學介紹下參加咗一場喺福岡舉辦嘅Cosplay活動，大家先有機會見到今時今日嘅「紗愛」。

除咗平時出cos之外，「紗愛」前排仲被雜誌邀請拍寫真，話唔定之後會涉足埋寫真界，不過就算佢唔做寫真女星，平時喺IG/Twitter派嘅「福利」都夠晒睇頭，有興趣嘅朋友可以按入去慢慢研究。