為咗呃Like，你可以去到幾盡？台灣有個D Cup嫩模「于熙」就決定為咗催谷FB粉絲專頁的Like數落重藥，表明如果專頁按讚人數多到達8萬人(當時數字為4.4萬)，就會Post出「露兩點照」慶祝！

所以咪話啲細路女唔識嘢，

以為短短兩日間有多一倍人黎按讚係一件好難嘅事。但你諗下班男人，為咗有蝦條連「陪條女去買Pandora」呢啲咁喪權辱國嘅嘢都做得出，按個讚呢啲郁下手指就做到嘅嘢，對佢哋又有咩難度！

結果按讚人數當然瞬間達標，但于熙卻遲遲未有反應，結果被網民瘋狂洗版大罵走數，後來粉絲專頁更加被關閉。直到今朝(4月1日)，于熙先至喺個人FB上留言，指失蹤只係「希望大家給我三天的時間是因為我不希望拍的太色情之類的」、「近幾日將會為各位呈上完美的承諾 」喎，我對眼就放到好長啦！