自從（前）NMB48主將「白間美瑠」喺今年3月宣布畢業後，就開始密密拍性感寫真告別粉絲，為偶像生涯留下最後倩影。隨住時間推演，日前「白間美瑠」完成最後公演，正式畢業結束11年偶像生涯，祝佢前程錦繡之餘，今日就同大家睇下佢早排影咗咩作品。

今年23歲嘅「白間美瑠」，早喺2010年就加入NMB48成為一期生，起初唔係咁受重視，仲因為皮膚黑而被粉絲戲稱似「猴子」。不過正所謂「女大18變」，後來隨住年齡漸長就變得愈嚟愈靚女，喺2019年更推出首本個人寫真大走火辣路線，引起粉絲一時哄動。

不過粉絲們又唔使太過傷心，雖然「白間美瑠」離開咗NMB48，但佢喺畢業宣言就話會繼續從事藝能活動，當然唔少得會繼續拍寫真，期待佢未來能夠用「白間美瑠」呢個身份創出一番新事業。