魔術說穿了就係一種透過掩眼法或道具，帶畀觀眾驚奇體驗嘅表演藝術，作為魔術師自不然都識得用下道具或特殊手法分散注意力，等觀眾被人呃咗都唔知。咁如果個魔術師本人好似今日介紹嘅「御寺ゆき」咁吸引，你嘅目光又會投放喺邊度呢？

今年26歲嘅「御寺ゆき」爸爸係日本人，媽媽係韓國人。佢起初都冇打算成為魔術師，不過讀書時期參加銅管樂隊成員嘅經歷，令佢發現自己好鐘意喺公共場合表演，所以高中畢業後就加入咗一間舞蹈學校就讀。幾經輾轉，從2016年開始拜師學藝踏上魔術師之路，由於從來都冇接觸過魔術，「御寺ゆき」一開始只好拼命苦練，佢就曾經講過起初每日都會花8個鐘時間喺鏡前訓練啤牌魔術。

後來喺2018年開始，佢就憑住凹凸有致嘅迷人身材進軍寫真界，以魔術師為賣點拍過好幾套寫真集，造型亦都係同魔術主題有關。不過佢近期就嘗試拋開魔術師身份，以性感水着或內衣造型示人，唔知大家鍾意邊個Style多啲呢？

資料來源：instagram@terashi1220、twitter@terachan1220