隨住天氣開始轉涼，近日經常喺IG見到好多身材Fit爆嘅女仔貼出Bikini照，並附上一句類似「再見夏天」嘅說話，回顧過去幾個月嘅開心時刻。為順應潮流，今日就分享一位寫真界人氣新星「櫻井音乃」，透過清涼寫真相同大家一齊「再見夏天」。

今年19歲嘅「櫻井音乃」讀緊初中嗰陣已經擔任少女時尚雜誌《Popteen》專屬Model，升上高中後更先後贏得「最可愛女高中生Model賞」及打入「Miss World Japan 2019京都錦標賽」決賽，並因為出演網絡電視台AbemaTV愛情真人Show節目《今日、好きになりました～韓国ソウル編～》而備受關注，直到今年2月高中畢業就全力進軍寫真界。

由於「櫻井音乃」身材火辣，加上初出道就直接挑戰性感水着造型，好快就成為各大雜誌搶手對象，寫真銷量爆晒數，有望繼「大原優乃」之後成為第2個寫真女王。