曾經沉寂過一排嘅「佐野ひなこ」，自上年回歸寫真界後狀態大勇，連番登上雜誌又出全新個人寫真集。早前佢就將年頭嘅個人寫真集《COLORS》重新編輯成數碼版，加入多張從未曝光嘅靚相再賺一波，下個月更會推出2022年寫真月曆！

今年27歲嘅「佐野ひなこ」讀緊初中嗰時已經擔任青少年雜誌Model，後來憑住索爆身材殺入寫真界，人氣一時無兩，亦多咗機會拍廣告、上綜藝節目以及參演日劇，當中最為人熟悉莫過於飾演日劇版《死亡筆記》嘅彌海砂，但後來沉寂咗一排直到上年先開始重返寫真界。

重新出發嘅「佐野ひなこ」，身材變得比以前更加Fit，全身冇半點多餘嘅脂肪，性感得嚟又相當陽光健康，期待佢之後影多啲靚相畀大家欣賞。

資料來源：Instagram@hinako_sano、Twitter@hinachimuu