曾經紅極一時嘅日本女團「Morning娘」舊將「後藤真希」，畢業後相繼擔任過演員、電視節目主持，甚近年做埋YouTuber。今次佢違十年再出寫真，未開賣已經宣布要加印，可想而知佢幾受歡迎。

今年36歲嘅「後藤真希」早喺1999年13歲就加入「Morning娘」成為3期生，入隊後首張單曲「LOVEマシーン」連續3周成為Oricon公信榜冠軍，更獲得過百萬銷量紅極一時。自離隊後就擔任過歌手、電視節目主持及演員等，甚至舞台劇都有所涉獵，依家仲玩埋Youtube，直播打機、化妝心得、生活分享乜類型都有。至於私生活方面，佢喺2014年就同圈外男友結婚生仔，目前係2位小朋友嘅媽媽。

今次呢本睽違10年嘅寫真名為「Ramus」，據佢所講Ramus喺拉丁語入面係「枝」咁解，代表自己經過時間洗禮後，好似樹枝咁朝向唔同領域發展。從預覽圖可以見到佢身材仍然Keep得好好，真係睇唔出已經3字頭同埋生過兩個小朋友！