參加選秀節目《最後的偶像》走紅嘅日本美少女「長月翠」，自今年7畢業離團後就積極轉型為演員進軍舞台劇，仲拍埋寫真大曬青春胴體谷人氣添！

今年21歲嘅「長月翠」，因為2017年參加由「秋元康」擔任原作嘅選秀節目《最後的偶像（Last Idol）》而為人熟悉，雖然曾落敗而一度離開節目，但後來成功復活加入同名女團「Last Idol」出道，並瞬速成為團內最高人氣成員。上年更遠赴洛杉磯取景拍攝首本個人寫真集，著上性感Bikini及內衣解放傲人上圍，結果銷情理想並且成功登上ORICON寫真榜冠軍。經過幾年偶像生涯，「長月翠」喺今年7月畢業後就全力進軍舞台劇展開一頁，同時不忘拍寫真上雜誌谷人氣。