當大家見到主播呢兩隻字，可能會諗起一臉正經報新聞嗰種主播，不過喺日本，「主播（アナウンサー）」除咗指新聞報導員，亦可以代表節目主持人，所以佢哋會出CD、散文集、寫真等等都唔出奇，就好似今日介紹嘅前東京電視台主播「鷲見玲奈」。

今年31歲嘅「鷲見玲奈」早於2013年加入東京電視台，傲人嘅身材加上開朗活潑嘅性格，歷年嚟深受男觀眾歡迎，更成為台內皇牌主播，但可惜上年年頭因為被著名八卦雜誌《週刊文春》狙擊，指佢搭上已婚同事而被公司雪藏。

雖然經過調查後證實「鷲見玲奈」完全清白，但佢完約後就選擇離開電視台獨立發展，並且順勢殺入埋寫真界，喺今日8月就推出首本及最後一本個人寫真集，首度以泳衣造型示人大曬好身材，希望佢只係講吓，之後會繼續出寫真啦。