既可愛又性感豐滿嘅「篠崎愛」，曾經喺寫真界紅極一時，每次出寫真都會大賣，可惜佢喺2017年突然淡出轉型做歌手，如今強勢回歸再拍寫真，除咗身材依舊火辣勁爆，更多咗幾分女人味。

今年29歲嘅「篠崎愛」，早喺14歲嗰陣被星探發掘出道，以性感系偶像身份活躍於藝能界長達10多年，幾乎每次出寫真都可以輕鬆衝上銷量榜冠軍，期間亦拍過電影出過歌，喺2018年更入選「世界百大最美臉孔」第84名。

目前未知「篠崎愛」本新作叫咩名，不過佢就賣晒關子，號稱今次係佢最具代表性嘅一本寫真，預計2022年2月推出，有興趣嘅朋友請密切留意。