有Cosplay界一姐之稱嘅「Enako」轉戰寫真界後勢如破竹，上年單喺8月就登上15本雜誌封面，遠遠拋離其他同行，就連令和寫真女王「沢口愛華」亦望塵莫及。日前日本雜誌協會就公布第8屆《封面女郎大賞》得獎名單，結果Enako毫無懸念地成為冠軍，同時掃走另外3個獎項，認真犀利。

今年28歲嘅「Enako」從上年開始，差唔多每個月都會為好幾本雜誌拍寫真，無論二次元定三次元角色，Cosplay、水着、泳衣、甚至唯美造型通通都能夠Carry，加上樣子甜美兼身材火辣，又難怪會從年頭紅到落年尾嘅。

Enako除咗係今屆封面女郎冠軍，同時亦包攬「漫畫部門賞」、「寫真部門賞」及「20代女星」三個獎項，亞軍則係同樣超人氣嘅「伊織もえ（伊織萌）」，而上屆冠軍「沢口愛華」今次就獲得季軍及「10代女星」獎，期待各位日後嘅新作！

資料來源：instagram@enakorin、twitter@enako_cos