日本之所以能夠發掘到咁多寫真女星、女演員，除咗因為當地真係唔少靚女之外，更重要係佢哋每年都有N個選美比賽，唔少女星都係透過參加呢啲比賽而出道。好似接下來要介紹嘅呢位「竹内詩乃」，就係去年「今、日本で一番制服が似合う男女 (現在日本穿制服最好看的男女)」比賽嘅冠軍。

即將20歲嘅「竹内詩乃」，早於14歲時就已經被星探於原宿街頭發掘，參加過電視連續劇、電影以至舞台劇演出。同時由2017年起佢就每年都參加「今、日本で一番制服が似合う男女」比賽，結果去到第五年、高中畢業前夕先成功奪冠。奪冠後就開始為《週刊Playboy》、《Flash》等雜誌拍攝水著寫真。黎緊7月更會推出首本個人寫真集《內緒》，首次挑戰性感風。

平心而論，「竹内詩乃」好明顯就唔係靠出眾身材而受大家注目，但作為「全日本穿制服最好看的女子」，佢的確係有高校生嗰種清澀、純樸嘅氣質，睇佢啲水著寫真硬係有種「做壞事」嘅感覺——或者就係因為咁所以大家先鍾意？

圖片：takeuchi_shino on Twitter