話說琴晚就係一年一度嘅AV奧斯卡「DMM ADULT AWARD」嘅頒獎典禮，當中頒發「最優秀女優」、「優秀女優」、「新人女優賞」等等十個獎項。其中文青至愛、每月必儲、而且有資格喺我個D drive中獨佔一個資料夾嘅希志BB就得到唔知有咩咁特別嘅「特別賞」，但呢個唔係重點！重點係佢喺得獎感言中宣佈引退！！天啊！！！

呢位出道時即以「現役偶像組合成員」掛帥嘅AV女優，雖然有被批評越黎越瘦、越黎越平，甚至到胸口見骨嘅情況，但無可否認佢嘅「演出技巧」亦有與日增長，作品可觀性不減反增！希志愛野同時為支撐北都(現稱CA)集團旗下著名美少女片商「ideapocket」大半壁江山嘅「Duo四希」之大姐(經理人公司Duo旗下有四位以「希」字命名的女優，分別為希志愛野、希崎Jessica(希崎ジェシカ)、希美真由(希美まゆ)同希島愛莉(希島あいり)。加上喺麻美由真退出養病之後接任「惠比壽麝香葡萄」第三代隊長，喺AV界嘅地位可見一班。

至於另一位有名嘅AV偶像「有村千佳」就四月頭宣佈引退，頒獎禮前兩日完成最後一場見面會，正式結束五年AV女優生涯。

根據台灣AV達人「一劍浣春秋」嘅報導，有村千佳係患上「急性腎盂腎炎」而需要引退休養。呢個病係因為腎臟受細菌感染而成，嚴重者有機會導致腎功能哀竭、敗血、甚至會致命，所以有立時停工嘅必要。加上由於復發性高，睇黎短時期之內都唔會見到呢位Cosplay單體女王啦……