唔少日本女仔自細嘅願望就係加入演藝界，做偶像又好、模特兒又好、演員又好，反正佢哋就係會想盡辦法留喺業界之中成就自己嘅夢想。但同時亦有人選擇急流勇退，從幕前工作退下來。好似今晚要介紹嘅呢位「斉藤優里」咁，就係其中之一啦。

現年28歲嘅斉藤優里從BB時期就已經係擔任緊模特兒，可見佢媽媽其實係非常熱衷於將個女推入日本演藝界。青少年時期嘅斉藤優里亦的確以加入如AKB48等偶像團體為目標，17歲時因為媽媽勸說而加入當時新成立嘅「乃木坂46」成為創團成員之一，演藝發展亦相當唔錯。不過佢於2019年就宣佈從團體畢業，去年更加宣佈退出演藝界，結束十年幕前生涯。

斉藤優里曾經透露，佢希望引退後轉為幕後人員，認為自己做過偶像及幕前，能夠好好完成製作人嘅工作。同時佢亦對時裝非常感興趣，希望有朝一日成立自己嘅服裝品牌。引退後佢雖然有保留IG，但就只有飲飲食食等普通日常照片，如果想睇到佢偶像時期嘅美貌，就唯有搵留下來嘅清純寫真啦。

IG：yuuri_3ito