唔知大家有冇發現，男人對於「少女」、「熟女」嘅定義，其實係會隨住你自己嘅年齡而改變。當你廿頭嘅時候，就會覺得廿尾嘅女仔已經係「輕熟」，但到你自己都已經三字頭，「卅頭」嘅女仔睇落又啱啱好！唔知大家又會唔會誌同今晚要介紹嘅呢位「高橋凛」，係熟得啱啱好嘅代表？

1990年出世嘅高橋凛現年32歲，2014年就水著出道嘅佢，早年曾經用過「橘花凜」做藝名，當時佢以一頭清爽短髮形象示人，再加上軟稔稔嘅豐滿綿花糖身形打響名堂。但近年佢除咗改名，仲改留一頭長髮，而且勤力做Gym減咗17KG，由原本嘅可愛圓碌碌嘅身形練到全身都冇一絲贅肉，成熟氣質大爆發，仲多咗幾分早年冇嘅性感美艷氣息！

減肥前嘅高橋凛

減肥後

更厲害嘅係，去年日本有雜誌舉行咗個「三十路寫真偶像總選」，由網民選出三十歲以上最正嘅寫真女星，結果佢喺12,000票中獨佔近5,000票、拋離第二名近3,000票嘅情況下奪冠，證明即使已經三字頭佢依然都係咁正、甚至可能更正！大家又覺得佢點呢？

IG：rintakahashi0809