大約一年前我哋就曾經為大家介紹過呢位「大久保桜子」，當時佢雖然已經加入寫真界兩、三年，但大家依然都係記住佢於《宇宙戰隊九連者》飾演綠連者嘅形象。不過於我哋報導完佢之後，佢就於寫真界發力，除咗拍攝繼續拍攝可愛性感寫真之外，近來更轉換形初嘗妖艷！接下來就同大家分享下佢過去一年嘅寫真啦！

現年24歲嘅大久保桜子，19歲時開始其演藝生涯，同年就獲邀出演《宇宙戰隊九連者》打響知名度，更一度與同劇嘅「紅連者」岐洲匠傳出緋聞。大久保桜子隨後於2019年透過《週刊Young Magazine》寫真出道，憑著略帶異國風情嘅可愛樣貌，加上152cm高但上圍頗有睇頭嘅好身材，成為寫真界嘅新星之一。去年年尾佢曾經為《週刊Playboy》拍攝一輯題為《Milk & Honey》嘅寫真，我就認為係完美咁描述咗佢嘅吸引之處：又甜又奶。

最近佢更轉換形象，首次以「妖艷」風為《Flash》拍攝寫真，除咗真空大露背之外，仲於酒店房撫胸翹臀、搔首弄姿，證明佢行「大人性感」路線一樣都得架！