香港人認識兩個「鄭家純」，一個係新世界主席，另一個就係來自台灣嘅「雞排妹」，而兩者不約而同地都係男士們想「做」但「做」唔到嘅。而台灣嘅鄭家純早前推出「終極一露」寫真之後，今日更突然宣佈與日本醫師男友閃婚正式封盤，咁就唯有搵返佢啲靚相出黎同大家重溫一下啦。

據傳媒報導，雞排妹老公係一個180cm高嘅日本小兒科醫師「AKIRA」，二人於2018年於交友軟件上認識，今年稍早前雞排妹推出出道十週年紀念露點寫真時，問男友會否介意，而對方表示寫真好靚，而且「如果你感到困擾，我會很心疼」，令雞排妹認定對方可以作為終身伴侶。而男方亦於二人同遊新加坡時求婚，雞排妹二話不說答應，並擇日成婚。有趣嘅係因為雞排妹「嫁去」日本，所以網民笑稱佢做咗「日式雞排」。

雞排妹於2012年因為幫一間雞排店拍攝影片教人炸雞排而聞名，同年就推出首本個人寫真集奠定性感女神形象。雞排妹歷年黎都非常大膽敢言，不論愛情、兩性、政治等都有鮮明睇法。特別值得一提嘅係雞排妹坦承有固定性伴，人生總共睡過50個男人，更自爆鍾意對方稱自己為小母狗。

IG：ili.cheng