俄羅斯不嬲出名多靚女，娶個俄羅斯老婆相信亦係唔少人嘅心願之一；但另一邊廂，娶個日本女仔亦係唔少人嘅心願喎！咁點算呢？今晚要介紹呢位「村重杏奈」，或者就可以一次過滿足你兩個願望啦！

現年24歲嘅村重杏奈，係一名日俄混血兒，13歲時就已經參加廣島嘅公開選秀比賽獲獎，後來更加成為HKT48嘅創團成員之一，與目前去咗韓國發展嘅宮脇咲良乃係同期。而自稱搞笑擔當、志願係做個搞笑藝人嘅佢，15歲時亦曾經參加日本最大型搞笑藝人比賽「R-1」嘅九州地區賽，不過第二Round就已經被人淘汰。實際上佢於HKT48嘅發展亦唔算得好，參加6次總選最高排夠都只係67，或者因為咁，佢於去年就宣佈退團單飛，目前就以擔任雜誌模特兒為主。

而日前佢就戚《週刊現代》拍攝一輯水著寫真，將俄羅斯血統特有嘅白晢皮膚，以及呢幾年似乎大有長進嘅肉感身材長現畀大家，唔知大家又鍾唔鍾意呢位日俄混血兒呢？

IG：hktanna4848