卻說近來《我推的孩子》熱播，唔少人亦因而認識到日文「推 (推し)」嘅意思，簡單黎講就即係「支持」、「推薦」咁解，而「我推XX」，亦即你係「XX的Fans」咁解。你問點解我要喺深夜系列介紹日文生字？好簡單，因為今晚要介紹嘅呢位「水野舞菜」，早前被雜誌選位「Next推Girl」，亦即下一位有望上位嘅女星！

現年22歲嘅「水野舞菜」，最早於2017年以日本女子偶像團體「Last Idol」嘅二期生雙Centre之一嘅身份出道，但於2021年尾卒業，並以演員身份繼續活動，近來最出名嘅作品，大概就係日本男子樂隊「Organic Call」嘅MV。不過佢於社交媒體上嘅影響力就非同小可，IG有近22萬個Followers已經唔算少，TikTok上嘅追蹤人數更高達160萬！絕對係一線網紅！

而佢早前就為《Young Magazine》拍攝出道以黎首次「本格水著寫真」，雜誌更大讚佢怕醜得黎就相當認真，充滿可愛女友感，係男女都愛嘅新時代女子，而且為佢封上「Next推Girl」嘅稱號，似乎就相當睇佢未來嘅發展。唔知大家又認唔認同呢？

IG：mana_chos