近年唔少女仔都鍾意做Gym，一來為減肥，二來又想練啲肌肉線條出黎。不過據我一個健康教練朋友講，唔少女仔一開始對於「舉鐵」都有戒心，驚練到好大隻唔好睇。對此我個教練冇好氣地話：「係啦喎，舉兩嘢就會好大隻啦喎！」係囉，練大隻邊有咁易？況且邊個話大隻嘅女仔就唔好睇？你睇下呢個「山岡雅弥」先啦！

今年18歲嘅山岡雅弥，早於2021年就已經開始其寫真生涯，當年仲拎埋日本寫真界年度大事，「Miss Magazine 2021」嘅Miss Young Magazine賞 (可以當係第二名)，可謂開咗個好頭。不過相信大家都注意到，山岡雅弥同一般寫真女優「瘦身不瘦胸」嘅身材唔同，係備健碩，骨架亦明顯較大。據佢當年接受訪問時透露，當年於福岡長大時經常通山跑，後來更朋友開始玩摔跤，中學時期仲去到全國第8嘅好成績！

唔知係咪因為細個運動得多，所以山岡雅弥嘅發育非常健全，除咗身高有162cm之外，上圍更去到誇張嘅36I，加上近年加入寫真界後，身形由「大隻」變成「豐滿」，整體感覺冇以前咁硬綁綁，陣女人味就即刻出哂黎！我諗唔少男士都想同佢摔下跤，睇下可唔可以撻出愛火花啦！

IG：miyabi_112920