香港嘅棒球文化冇日、韓、台等地盛行，除咗令本地棒球迷「冇波睇」之外，其實仲令大家失去咗好多睇靚女嘅機會，因為除咗大家近排比較熟悉嘅啦啦隊之外，棒球比賽仲有個環節係會出現靚女，就係比賽開始前嘅開球式！好似今晚要介紹嘅呢位「朱夏」，就係因為早前參加日本嘅開球式而爆紅！

事情係咁嘅，三月時日本職棒一場「中日龍」對「千葉羅德海洋」嘅比賽開球式中，出現咗一個身穿緊身骷髏衣，完全冇露肉但就展現出超級好身材嘅「謎之靚女」，由於佢嘅外型、衣著都實在太吸引，加上當時冇人知道佢究竟係邊個，所以日本網民就瘋傳開球式嘅影片，希望搵出呢位「謎之靚女」。

而靚女嘅真身，其實就係日本廣告界嘅一名OL「朱夏」。據佢早前接受《週刊Playboy》訪問時指，當日佢正幫手宣傳日本一個以「透明」為主題嘅生物展，所以先會著住緊身骷髏衣去參加開球式。點知該條開球式影片有高達600萬次觀看，更吸引到雜誌邀請佢拍攝寫真。佢仲笑言自己係返工放Lunch時，跑去人哋編輯部office問清楚究竟發生咩事。

不過，你話佢係個「普通OL」又唔太準確。事實上由小學二年級開始就已經有豐滿上圍嘅「朱夏」，本身就已經係一名性感網紅，而喺因為開球式爆紅之前，佢都已經打算推出電子寫真，只係爆紅之後獲得更多機會咁解。而佢於訪問中亦表示自己都仲係想繼續做OL，不過亦希望可以於社交媒體上做「自己鍾意嘅嘢」。所以如果大家想睇多啲佢嘅靚相，就要去Follow佢IG啦。

IG：__ayk8377