細個無論係打機、睇漫畫、睇電視、睇小說，總之做任何同讀書、做功課冇關嘅嘢，都會被屋企人鬧係「無益」，但其實唔少人都係從呢啲嗜好中學到日文、歷史等知識。好似我咁，當初第一次接觸「無垢」呢個日文字，就係睇……某類日本影片學返黎！當年學識咗，依家就可以用「無垢」黎同大家介紹「水野瞳」啦！

其實大家睇「無垢」嘅中文字面意思，可能都估到佢就係「純潔」咁解 (順帶一提，「裏垢」就係「收埋唔見得人嘅嘢」，詳細大家可以去Twitter自己搜尋一下)。而現年19歲、身為日本偶像團體「Devil ANTHEM.」成員之一嘅「水野瞳」，就可以話係呢個字嘅人辦。事關佢皮膚白嫩，外表清純，加上一頭黑色短髮，散發住一股未受俗世污染嘅清純感！

而早前佢更開始踏足寫真工作。早於5月時佢就先於《週刊Playboy》獻出自己嘅處女水著，隨後更為《Young Jump》嘅「Next推Girl」拍攝多輯電子寫真。雖然我就搵唔到佢嘅身材官方數字，但睇圖都知佢屬於有料之人，寫真亦非常養眼。而佢於訪問中亦表示，希望未來可以成為雜誌封面，換言之佢會繼續於寫真界發展，大家可以期待一下啦。

Twitter：DANTHEMAKIRA