日本賽車文化一直都非常濃厚，而賽車女郎亦係唔少女仔賺取人氣再轉戰寫真、戲劇嘅跳板之一。近年嘅賽車女神界更可以話係人材輩出，好似我哋介紹過嘅「名取くるみ」、「川瀬もえ」、「あのん」、「黒木麗奈」等都係賽車女郎出身，另一位「八伏紗世」就更加應屆新人。不過要數到今年最有力競逐「賽車女郎新人賞」嘅，就可能係今晚介紹嘅呢位「桜りん」啦！

現年27歲、沖繩縣出身嘅「桜りん」演藝資歷其實頗為豐富。首先佢於2016時就已經以「片目惚れ-hitomebore-」嘅成員身份出道，當時團體嘅賣點係全員都戴上非常「中二」嘅眼罩表演，但後來「桜りん」為咗宣傳團體而開始拍攝寫真，反而憑童顏美貌以及F Cup身材率先走紅。隨後佢更直接轉戰寫真界，除咗推出過多隻寫真DVD之外，更先後於Miss Action 2017以及Miss Young Jump 2018拎到獎。自細學習體操嘅佢，更曾於網絡節目中成為「全日本柔軟女王寫真偶像大賽」中勝出。

2019年「片目惚れ-hitomebore-」解散後，佢又輾轉加入目前嘅團體「Chameleon Republic」，今年更成為日本站立格鬥隊伍「RISE」嘅舉牌女郎「R-1SE Force」成員，再跟隨團體成為日本Super GT車隊「GAINER」嘅賽車女郎，所以先有機會參加今年嘅賽車女郎新人賞。憑其身材外貌、多年演藝經驗，再加上IG上超過45萬個Fans，相信今年新人賞佢都係志在必得！

IG：rin__sakura