講起去年解散嘅日本女子組合「惠比壽麝香葡萄」，相信大家都知道佢哋係由AV女優組成嘅偶像團體。不過團內其實都有好多並非AV女優，而係一般寫真女優嘅成員。好似今晚要同大家介紹嘅呢位「松岡凜」就係其中之一，近日佢更時隔四年再次發行寫真DVD，以充滿夏日氣息嘅曬痕造形回歸，為大家眼睛消消暑！

因為身高有成169cm，所以現年26歲嘅「松岡凜」早於17歲就出道擔任賽車女郎、以及時裝模特兒。2015年時遇上「惠比壽麝香葡萄」首次解散後重組，佢亦加入成為三上悠亞、明日花綺羅、白石茉莉奈等人嘅隊友，並由此開啟其寫真之路，2016年起至2019年間，每年都會推出一隻寫真DVD，平時亦會繼續兼任賽車女郎、拳擊舉牌女郎等工作。

而去年「惠比壽麝香葡萄」解散後，佢就專心賽車女郎以及網紅工作，所以雖然IG上依照充滿住性感靚相，展現其G Cup身材，但寫真方面就未見新作。直到上個月尾先時隔四年推出第五隻個人寫真DVD，繼續大Sell肉感身材之餘，更特登去曬燈，曬出一身健康膚色加泳衣曬痕，火辣程度急升！希望佢未來都可以影更多靚相滿足大家啦！

IG：matuoka_1214