韓國女團中經常會有所謂「忙內 (막내)」，亦即團體內最年輕嘅成員，大多負責可愛、活潑等形象。而日本偶像團體雖然冇類似設定，但團內年紀最細嘅成員始終都會受到「姐姐」們嘅喜愛。好似今日要同大家介紹嘅呢位「雪野まゆき」，就係偶像團體中年紀最細嘅成員，亦係「大家的妹妹」！

今年3月啱啱滿20歲嘅「雪野まゆき」，係日本偶像團體「BOCCHI。」中年紀最細嘅成員。呢個團體特色，就係所有成員都樣靚身材正，而且都於寫真界略佔一席之地，無論你要嘅係可愛甜美、定係成熟「御姐」、又或性感火辣，都總有一個成員啱你口味。而「雪野まゆき」當然亦唔例外，經常於IG上發佈各種風格既性感自拍，而且幾乎每次post新相都會吸引到日本傳媒報導，可見其強大吸引力。

「雪野まゆき」早前與《週刊BIG COMIC SPIRITS》合作推出個人電子寫真，等大家能夠睇清楚佢嘅雪白肌膚，以及雖然無官方數字，但目測頗有睇頭嘅身材。近來佢又換上一頭淺啡短髮，夏日可愛感爆升。盛夏時為大家消暑養眼就最適合不過啦。

IG：mayuki.yukino