日文中嘅「干物」原本係指風乾嘅海產，後來衍生成稱呼覺得戀愛好麻煩、生活懶散嘅「干物女」。而今晚要同大家介紹嘅呢位「吉野七宝実」同樣被稱為「干物女」，不過今次嘅「干物」真係指風乾海產，是關佢唔單止好鐘意釣魚，釣完仲會拎返屋企風乾，甚至曾經將風乾海產當係比堅尼著上身而引起話題！

現年32歲嘅「吉野七宝実」，最早於大學時期就開展其模特兒生涯，或者係因為天生就頗有運動感覺，所以其模特兒都不停同各種運動扯上關係。例如佢最早嘅封面作，就係為一本抱石雜誌拍攝，後來又曾經成為單車頻道SPEED嘅活動組合成員，之後又做過搞笑摔角團體「西口プロレス」嘅舉牌女郎，2019年做埋電單車隊「ARMY♡GIRL TeamTJC＆MF kawasak」嘅賽車女郎。2018年時亦曾入選Miss FLASH嘅最終名單，寫真發展都算係唔錯。

不過真正令佢人氣爆發嘅，就係2019年時佢利用自己整嘅風乾海產，僅遮三點地拍咗張寫真放上IG，結果吸引到過萬個讚好，亦令佢有「干物偶像」之稱。據報其實佢本身就好鍾意釣魚 (佢個IG亦的確充滿釣魚嘅相)，而拍攝當時因為佢剛成為自由身藝人，冇咩好做，所以就研究埋喺屋企風乾魚獲，點知無意間引起大家注意。自此之後佢有唔少寫真作品都同釣魚、海產有關，近年亦專注於推出VR寫真，同大家一齊整干物、釣下魚咁，題材相當獨特。

不過，我諗以佢呢個身材外貌，大家都應該好想釣下佢…唔…同佢釣下魚呀係咪？

IG：shihomi0305