要知道一個寫真女優能否於業界站穩陣腳，最直接嘅驗證方法就係睇佢能否穩定地登上日本雜誌封面。如果按呢個標準，今晚要同大家介紹嘅呢位「櫻井音乃」就唔單止站穩陣腳咁簡單，直頭可以話係人氣高企！事關自佢兩年前出道、我哋介紹過之後，佢幾乎每個月都有新寫真面世，而且每輯相嘅養眼程度都維持喺極高水準！難怪近來已經有日本媒體稱佢為「次世代寫真Ace」！

「櫻井音乃」於2019年先後參加世界小姐日本地區京都大會，以及針對女子高中生嘅選美比賽「女子高生ミスコン 2019」出道，隨即加入Abema TV嘅人氣戀愛綜藝《今日、好きになりました。》韓國篇而人氣急升。到2021年我哋首次介紹佢時，佢就啱啱為《週刊Playboy》獻出寫真處女作，並憑其「偉大」身材火速成為Fans們嘅最愛，更於往後短短1年半內破紀錄地五次登上《週Play》，仲順手拎埋當年集英社舉行嘅《グラビアJAPAN》最優秀新人賞。絕對可以話係出道即顛峰！

兩年後嘅今日，佢亦由18歲嘅小妹妹，長大成21歲嘅亭亭玉立少女。難得嘅係，呢兩年佢無論身材、外貌、人氣都繼續維持於極高水平，同時寫真產量亦高而穩定，睇黎就已經係目前日本頂尖嘅寫真偶像。佢曾經於一個訪問中，提到自己最大嘅賣點，就係拍攝寫真與現實生活嘅「Gap」(反差感)，因為佢話自己平時其實有啲「娘」，但於拍攝時就會儘力展現20歲應有嘅魅力。咁大家就要落足眼力喺佢啲寫真度搵出呢個Gap喇！

IG：o_to.08