話說早兩日介紹「鈴原りこ」時，我曾經提到佢拎過日本試鏡社交平台「mysta」嘅票選第四名，而當時亦係我第一次知道原來有個咁嘅平台。咁本住為一眾香港男士服務嘅心，我當然就立即下載落黎睇下，然後就被我搵到以下落黎要介紹嘅呢位「杏実」啦！

話說日本德間書店旗下水著情報雜誌《アサ芸Secret!》，為咗慶祝明年嘅出版15週年，所以近來就同「mysta」合作，搞咗個叫「Miss Secret」嘅水著女星新人選拔賽。基本玩法就係參加者要於「mysta」開設帳戶，發佈影片與粉絲活動，參加攝影會等等，最後再由Fans們投票選出頭三名，並贏得登上雜誌封面嘅機會。咁用得呢個方法參加比賽嘅，大都係素人又或地下寫真偶像，當中甚至有「40代」YouTuber，而「杏実」就係其中一位參賽者啦！

由於「杏実」幾乎係一個完全素人，甚至個X (Twitter) 都只係得幾百個Followers，所以目前有關佢嘅個人資料，其實都來自佢為咗參賽而發佈嘅自我介紹影片。佢報稱自己係神奈川出身，身高為155cm，體重42kg，三圍係34-23-33，年齡不詳。最大賣點係上圍、Pat Pat同對腳，特別係對腳佢自己覺得特別正。而為咗參賽，佢個X都發佈咗大量水著照，而且到撰文之時，佢就登上票選第四名，似乎頗有機會拎獎。咁大家就留意下佢嘅未來發展啦。

X：ami_onakahetta