選美比賽講求美貌與智慧並重，而一般佳麗們都會強調後者，所以極少數選美出身嘅女仔，最後會走上行性感嘅路線。不過喺「萬物皆可性感」嘅日本，情況就當然唔一樣。好似今日要介紹嘅呢位「あべみほ」咁，佢唔單止係選美出身，仲係世界四大選美比賽「環球小姐」嘅參賽者，但至今一樣於水著界努力活動，而且尺度仲有越黎越大之勢！

雖然睇相未必睇得出，但其實「あべみほ」今年已經36歲。來自北海道嘅佢，讀緊大學時就己經開始做兼職模特兒，同時參與當地電視台嘅節目，後來透過大學嘅一場Fashion Show而被某位舞台監督相中，於23歲時「上京」成為職業模特兒。不過要數到佢最廣為人知嘅，就係2012年成為環球小姐日本代表嘅候選之一。雖然之後並無選上，但佢就借勢成為寫真女星，2015年時仲贏過「Miss Flash」總冠軍添。

可惜後來佢因為突發性弱聽而退出寫真界，之後有段時間走咗去玩女子摔角，直到2018年先以首本個人全裸（但三點不露）寫真集復出。或者因為年紀漸長，所以佢今次復出後嘅尺度越黎越勁，唔單止露出程度已經去到「僅遮三點」，連寫真DVD嘅取鏡亦非常貼近「愛情動作片」。但行大尺度嘅效果同樣立竿見影，自2019年起每年都推出兩、三隻寫真DVD，完全站穩陣腳。或者，大家可以期待下佢未來嘅「發展」？

IG：abemiho0110