唔少日本女星都好早就出道，甚至好細個就開始拍寫真，所以就算上一次同大家介紹佢已經係幾年前，但依家一睇佢都仲係「十八廿二」。好似今晚呢位「豊田ルナ」咁，早於2021年我就已經介紹過佢，但原來佢舊年先真正年滿21歲，成為日本法例之下嘅「成年人」。咁過咗幾年，佢又有咩變化呢？

雖然話舊年先真正「成人」，但其實「豊田ルナ」已經有十幾年演藝經歷，事關佢五歲時就被阿媽帶去參加親子雜誌試鏡，隨後被經理人睇中以童星身份出道。不過要數到佢嘅成名作，就一定係2019年時以16歲之齡參加《Young Magazine》舉行嘅「Miss Magazine」寫真選美比賽，而且一舉成為總冠軍。拎獎之後，佢於同年隨即寫真出道一直至今。

出道後「豊田ルナ」深受讀者及雜誌歡迎，所以寫真非常多產，幾乎每個月都一、兩輯新寫真上架，甚至連水著月曆都已經連續推出三年。早前佢接受訪問時指，雖然自己一直嘅目標都係做個演員，但「只要大家想睇，我就會繼續拍寫真」。睇黎未來好一段時間中，大家都可以繼續欣賞佢嘅姣好身段啦！

IG：runstagram_717