我知大家對於TikTok（抖音）嘅觀感都唔太好，覺得上面啲內容品味麻麻、又冇咩營養，連帶對TikTok創作者嘅感覺都唔太好。不過喺日本，TikTok已經成為年輕人最常用嘅社交媒體，近年各大經理人公司、日本雜誌亦熱衷於喺TikTok上發掘新人女星，而於TikTok吸引到大班Fans嘅網紅，質素似乎都相當唔錯架！好似呢位「白河芹」就係其中之一啦。

雖然睇樣未必睇得出，但「白河芹」於三月尾就即將迎來自己嘅26歲生日，年紀其實唔算細架啦。據知出身於日本岡山縣嘅佢，曾經做過一陣子美甲師，後來就開始經營IG及TikTok，結果就慢慢吸引到大批Fans，目前IG及TikTok嘅追蹤人數高達90萬。同時亦因為Fans多，於是吸引到經理人公司遊說佢出道，結果佢認為比起繼續做美甲，出道更唔會令佢後悔，所以毅然辭職投身幕前。

「白河芹」出道後曾客串過電視劇，亦有拍過MV，不過要數到令佢人氣再進一步嘅，就一定係今年1月為《週刊Playboy》拍攝嘅首次水著寫真。雖然「白河芹」身材唔算特別有睇頭，但由於佢社交媒體上本來就冇咩「露肉照」，所以於寫真中脫下衣裳後露出嘅超級白嫩嘅皮膚，依然驚為天人。再加上佢不符合年齡嘅可愛面孔，以及僅得148cm嘅嬌小身型，對於鍾意「蘿莉」嘅人可謂難以抗拒。希望佢未來會有更多作品供大家欣賞啦！

IG：seri_shirakawa