2019年日本明仁天皇退位，日本年號由「平成」改為「令和」，所以嗰期日本紛紛出現「平成最後」、「令和最初」等嘅廣告用語。而其中，2018年年中出道嘅「十味」，就憑住超可愛樣貌，於當時被稱為「平成最後奇蹟」。唔覺唔覺將近六年過去，十味亦由當年嘅妹妹，變成越黎越迷人嘅女人。今晚就同大家睇下佢近年嘅新相啦。

現年25歲嘅「十味」，19歲時就已經出道成為寫真女星，所以我哋過去兩次介紹佢時，其實佢都仲係十八廿二、青春無敵嘅年齡。加上佢身高僅得149cm，天生又一幅娃娃臉，所以出道以黎一直以「妹妹」形象示人。不過話哂都步入廿中，佢嘅氣質亦不知不覺變得更為成熟。好似今次介紹用嘅《週刊Young Jump》寫真「宿雪」中，就扮演一個同男朋友去雪地旅行嘅女朋友，可愛不減嘅同時又多咗幾分誘人，大大減輕大家睇相時嘅罪惡感。

除咗外貌之外，佢近年嘅興趣都變得相當「大人」。話說疫情時因為冇咩好做，佢竟然迷上咗日本職業麻雀聯盟比賽M League，而且仲係個可以背得出入面每位選手生日嘅「狂粉」。或者大家都會希望有朝一日，可以同佢一齊撚住雀…I mean一索，好好切磋一下？

IG：toomi_nico