雖然話唔少日本寫真女星早於十幾歲（甚至無「幾」）就開始拍攝寫真，但一般而言，20歲成年後先係拍攝寫真嘅「合理」年齡。好似今日要介紹呢位「蛭田愛梨」咁，就選擇於20歲生日後推出首本寫真集，仲話係佢踏入「成人」嘅第一步！

今年3月先滿20歲嘅「蛭田愛梨」，早於2017年1月，即係佢未夠13歲時就已經加入日本偶像團體「虹のコンキスタドール」，我哋之前介紹過嘅「片岡未優」、「岡田彩夢」及「根本凪」等人都係來自呢個團體。或者係因為少年時就已經出道，所以「蛭田愛梨」嘅形象一直都係可可愛愛，亦令佢產生20歲後要挑戰寫真、展露自己成熟一面嘅想法。而上月尾佢亦真正完夢，推出寫真集《あい》。

「蛭田愛梨」以往寫真

當被問到今次寫真集為自己打幾多分時，「蛭田愛梨」表示要畀自己「100億萬分」，因為佢非常滿意自己嘅表現，而「100億萬」係佢諗到最大嘅數字。平心而論，身高158.5cm嘅佢，身材的確係冇咩睇頭。但稚氣未除嘅外貌、可愛活潑嘅氣質，加上一頭黑長直髮，或者都會擊中男士們藏於心底嘅青蔥回憶。唔知你又會為佢打幾多分？定係要扣佢50分呢？

IG：hiruta_airi