唔知大家有冇聽過「普拉提斯（Pilates）」呢種運動？所謂「普拉提斯」係透過徒手或機械輔助，鍛練身體深層肌肉，增強身體控制能力嘅運動，又因為據說有非常強嘅「塑體」效果，所以深受愛靚女士嘅擁戴。事實上如果你上網搵啲普拉提斯教練——絕大多數都係女教練——黎睇，佢哋嘅體型又真係非常優美。咩話？你話你冇睇過？咁我今晚就介紹一個畀你。

現年25歲嘅日本普拉提斯教練「ちなつ」，雖然個IG只係得唔夠五千個追蹤，但就有可能係最多日本男人睇過嘅普拉提斯教練。事關「ちなつ」自去年起就於自己個IG上傳性感泳衣寫真，展露佢多年練習而來嘅優美身段。最近仲吸引到寫真雜誌搵佢拍攝寫真，正式踏足寫真界。論外表，擁有單眼皮嘅「ちなつ」有住非常燦爛可愛嘅笑容；論身材就更加係「穿衣顯瘦、脫衣顯肉」，係無論男女老幼都會想擁有嘅好身段。

值得一提嘅係，「ちなつ」似乎對保養身體非常感與趣，事關根據佢嘅IG自我簡介，佢除咗係普拉提斯教練之外，仲係一個持牌嘅按摩師及針灸師。相信憑佢嘅專業，無論你嘅身體有幾咁僵硬腫脹，佢都有辦法處理——不過就唔知佢接唔接男客人啦。

IG：chinatsu8_1