一個男人想成家立室要有咩條件？要有穩定嘅收入、踏實嘅心態、最好就有層樓，同有個入得廚房、出得廳堂、上得大床、有容奶…乃大嘅另一半。如果你覺得上述幾個條件太難，咁或者你就要認識下今晚要介紹呢位「髙橋七瀬」，事關佢可以幫你解決其中一個問題——哦，唔係「另一半」嗰部份，係「有樓」嗰部份。

現年22歲嘅「髙橋七瀬」早於14歲時就已經拍廣告出道，近年身高168cm嘅佢就以賽車女郎、Showgirl等工作為主，而且成績相當唔錯。例如上個禮拜嘅東京遊戲展佢就成為KONAMI嘅Showgirl。另外佢亦積極參加各大選美比賽，例如目前佢就參加緊東京改裝車展嘅「Sphere Queen」，以及更為主流、捧出過N個著名寫真女星嘅《Miss Flash》。如果拎到好成績嘅話，人氣相信會再創高峰呀！

至於點解佢會幫到大家買樓呢？原因就係佢除咗擁有超可愛臉蛋以及修長身型之外，佢仲擁有日本「宅建士資格」，即係地產經紀牌！咁你話買樓係咪要搵佢啦？

IG：r77m722