就算你係一個週身肌肉嘅雄糾糾男兒，見到啲好可愛嘅貓貓狗狗時或者都會忍唔住爆出一句充滿少女味嘅「好~得~意~呀~」，可見小動物對所有人都有非同尋常嘅吸引力。而今晚要介紹嘅呢位「新居歩美」，就被譽為日本No.1小動物系偶像，各位男士見到佢嘅時候又忍唔忍得住內心嗰股躁動呢？

現年21歲嘅「新居歩美」，最早係於2020年參加日本藝能事務所Live Planet舉行嘅試鏡比賽合格，並以女團「アキシブproject」出道。2022年8月時因為團體改組而離隊，隨即加入依家嘅團體「DramaticRecord」重新出道。不過要數佢成名嘅契機，就一定係2021年時佢開始為雜誌拍攝寫真。尤其係2021年11月時佢為《週刊Playboy》獻出寫真處女作，然後12月時就於《週Play》舉行嘅年度寫真比賽中獲得「最佳封面賞」，可見Fans及雜誌編輯都非常滿意佢嘅表現。

論身材，新居歩美其實唔算有睇頭，而且佢身型極為嬌小，僅高148cm、體重更只有34kg。但當嬌小身型配上又大又圓又清澈嘅眼睛，搞到佢好似小動物一樣令人垂涎…呀唔係，係垂愛，難怪被譽為日本No.1小動物系偶像！試想像下你返到屋企，然後佢撲出黎攬住你，你撫模住佢嘅臉頰，然後叫佢喺你而前跪低……畀Hand Hand，你話幾幸福呀！

IG：ayuchi_nii