過去一段時間都同大家分享咗唔少身材火爆、舉止煽情嘅寫真女星，大家會唔會覺得有啲「滯」，需要為眼睛清清腸胃呢？我自己就覺得要嘅！所以今晚轉轉口味，同大家介紹清純得黎非常健康，但又不失睇頭嘅櫻坂46成員「田村保乃」！

現年26歲嘅「田村保乃」，於19歲時參加「坂道系列」（即係乃木坂46、櫻坂46、日向坂46及吉本坂46嘅統稱）嘅共同徵選入圍，並於同年被分派至櫻坂46正式出道。2021年時佢推出首本個人寫真集《一歩目》，並於當中首次拍攝水著寫真，結果寫真集於發售首週就大賣5.6萬本，連續兩週登上銷售榜首位，最終成為該年寫真集銷售榜上嘅第四名。可見佢嘅寫真集有幾吸引。

坦白講，對於一眾「老司機」而言，「田村保乃」除咗身高有163cm之外，身材方面並不突出，寫真尺度就算與其他女團成員寫真相比亦算係保守。而寫真集之所以咁好賣，好可能係因為「田村保乃」有一種性感得黎又不失健康清純嘅氣質。事實上佢從小就熱愛排球，讀書時除咗係校隊成員，更曾憑運動成績被保送入學。出道後佢亦經常參加排球相關嘅節目，甚至連日本女排名將木村沙織都驚訝於佢對排球嘅知識。

而今年夏天時，「田村保乃」推出第二本寫真集《隣の席になりたい》，同樣創下發售首週賣出3萬本嘅好成績。如果大家睇完呢篇文而對佢有興趣，不妨都入手好好欣賞。

IG：tamurahono_oshi