置身於一個團體之中，當然能夠享有人多好辦事嘅好處，但同時亦有可能限制個人發展；離開已經習慣嘅環境，雖然可能需時時間適應，但又可能成為個人成長嘅契機——哦，我唔係襯住年尾提大家要跳糟呀，只係見到今晚要介紹呢位「江籠裕奈」嘅經歷，有感而發咋。

現年24歲嘅「江籠裕奈」，早於2011年，即係佢11歲時就已經通過SKE48嘅海選，並於同年成為正規生正式出道。隨後佢嘅人氣就穩步上揚，自2016年到2018年間，更連續三年打入AKB總選」，更已經能夠打入前48名以內。隨住資歷越來越高、而且年齡漸長，佢慢慢成為SKE48團內獨當一面嘅成員，2021年時更可以獨立開演唱會，直到去年年尾先正式退團。

而於退團後呢一年間，「江籠裕奈」不單止繼續有出歌，更搶眼嘅成績就在於寫真界。話說佢16歲時就已經因為擁有好身材而被媒體注意，2022年推出嘅首本個人寫真集更加係未正式開賣就已經宣佈要加印。今年更多次受邀為《週刊Playboy》、《Young GanGan》、《週刊SPA！》等青少年雜誌拍攝水著寫真，成為寫真界嘅新寵兒之一。假若當日佢唔退團，今時今日就未必有咁嘅成績；更重要嘅係如果佢唔退團，我哋就未必有靚相睇，咁你話「跳出舒適圈」係咪一件好事呢？

IG：egochan_329