除咗日本各大雜誌之外，其實日本嘅賽車女郎（或Showgirl）界近年亦孕育出唔少美女。而且同雜誌寫真通常都睇重上圍唔同，賽車女郎嘅重點通常都係身高以及一雙美腿。而今晚要介紹嘅呢位「池永百合」，就係近年賽車女郎界有名嘅美腿美人！

根據官方資料現年28歲嘅「池永百合」，早於2015年時就曾經加入過名古屋女團「dela」，自2017年亦開始於賽車女郎界闖蕩，到2019年時更加完全脫離偶像活動。事實上身高165cm、身型纖瘦而且有一對大長腿嘅佢，進入賽車界之後可謂如魚得水。今年更係佢連續三年成為日本Super GT車隊「Modulo Nakajima Racing」嘅賽車大使「Modulo Smile」成員。同時佢亦偶爾會為拳擊賽等客串做舉牌女郎，可謂目前日本Showgirl界嘅人氣女星之一。今年2月更於《FRIDAY》首次挑戰水著寫真，未來有望跨界發展。

值得一提嘅係，據佢於經理人公司網站上嘅介紹，其實佢係有「保育士・幼稚園教諭」執照，換言之佢曾有意、或者直頭做過幼稚園老師。想像下小朋友由下以上望住呢個老師嘅角度……係咪開始羨慕啲小朋友呢？

IG：ikenaga_yuri