雖然話日本仍然係香港人最鐘意旅行嘅地方，但相信大家都唔會否認日本文化嘅影響力早已不復以前嘅全盛期——你對上一次睇日劇係幾時呀？但今日要介紹呢位新人演員「和内璃乃」，或者就可以吸引大家重投日劇嘅懷抱，唔單係因為佢嘅演技呀，而係因為佢「壓倒性」嘅美貌！

現年22歲嘅「和内璃乃」出生於日本神奈川縣，早於10歲時就以兒童模特兒身份加入經理人公司，2018年先出演電影《私にxxしなさい!》，2021年時佢參加Abema TV嘅戀愛真人騷《虹とオオカミには騙されない》令其人氣急升，隨後順理成章地出演Abema TV嘅劇集《私が獣になった夜》，近年又接連出演NHK「早8」劇集《ちむどんどん》、TBS劇集《不適切にもほどがある！》及Netflix網劇《恋愛バトルロワイヤル》。人氣可以話係節節上升。

而去年5月起，佢就開始進軍寫真界，先於《週刊Playboy》獻出寫真處女作，然後9月再次登上《週Play》，近日又獲同為集英社旗下嘅另一著名雜誌《週刊Young Jump》青睞，再次展現其162cm高、均秤有肉比例又好嘅曼妙身段，配上被日媒形容為「壓倒性」嘅美貌，相信大家都好想被佢「壓倒」吧？

IG：rino.wauchi