雖然話社交媒體嘅出現，令到一眾素人都透過宣傳自己、吸引Fans成為網紅。但喺呢個所有男人打開IG就一定碌到幾個「Double May」嘅年代，美女們想擁有巨人氣都唔係一件容易嘅事。而今晚要介紹嘅呢位「似鳥沙也加」，唔單止於IG上擁有過百萬Fans、近日佢仲因為電子寫真集銷量奪冠而入埋「名人堂」，咁究竟佢有咩咁吸引呢？

唔覺唔覺已經31歲嘅「似鳥沙也加」，其實早於2016年起就開始經營自己嘅IG，後來佢發現發佈水著寫真相嘅反應非常好，於是就開始自行拍攝寫真風格嘅照片，更憑住佢嘅可愛美貌、以及G Cup身材火速走紅，最後先吸引到經理人公司邀約，再開始各大雜誌拍攝寫真，正式出道成為女星。

而近9年過去之後，佢更加已經成為日本寫真界嘅頂樑柱之一。而且或者因為年紀漸長，佢嘅寫真尺度亦越黎越大，啲「半球」左飛右飛之餘，更曾拍過透點寫真，令人血脈沸騰。

而佢嘅努力亦真係有回報，去年9月推出嘅電子寫真集《Semi Colon》成為日本樂天Kobo電子書上嘅銷售冠軍，令佢連續三年成為該平台嘅銷量冠軍，樂天Kobo仲為佢頒發特別嘅名人堂獎座，以表揚佢連續多年嘅優秀成績。日本媒體亦因為呢件事而稱佢為「電子寫真集女王」，加上佢出道以來就有嘅「IG寫真女王」稱號，總共已經有兩個「女王」銜頭！

IG：uw.sayaka