如果我冇記錯，我於「深夜系列」中已經唔止一次用過「超新星」呢幾隻字。但大家要信我，今晚要介紹嘅呢個「溝端葵」，同其他「超新星」真係唔同。因為自從佢於今年3月出道之後，其寫真成績就如同坐火箭一樣飆升。依家甚至已經係能夠企上封面嘅級數！

2001年出生、現年24歲嘅「溝端葵」於今年年初先由家鄉大阪搬到東京，三月先於《週刊Playboy》寫真出道，以寫真女星黎講其實已經算係有啲遲。不過佢出道之後就火速追回進度，唔單止於短短三個月內已經先後為《FRIDAY》、《Young Magazine》等雜誌影過寫真，最近更已經再次獲邀回到《週刊Playboy》，仲成為封面女郎，以一個新人黎講可謂相當罕見。

咁究竟「溝端葵」有咩咁吸引呢？擁有一對明亮眼睛再加兔牙嘅可愛臉蛋固然吸引，163cm嘅身高亦應該加分唔少，但最重要嘅或者都係佢嘅身材——完美演繹咩叫「有肉」、有前有後有睇頭嘅好身材。唔知佢呢個Body又符唔符合大家嘅審美觀呢？

IG：aoi_mizobata