日本寫真界人才輩出、競爭激烈，就算偶爾出現所謂嘅「寫真天后」其實都只係稍微佔據主導位置，一家獨大嘅情況可謂聞所未聞。不過呢位「白濱美兎」自從去年出道之後人氣就一直飆升，最近更被稱為有望取得寫真界「天下統一」嘅寶座！今晚就同大家睇下佢究竟又有幾吸引！

去年10月啱啱滿18歲，目前都仲係高中生嘅「白濱美兎」，最早係因為參加專門發掘素人美少女嘅寫真雜誌《美少女図鑑》拍攝而出道。2023年時佢仲於「美少女図鑑AWARD 2023」一口氣奪得三個獎，繼而挾「三冠王」之名進軍寫真界，並於短短兩年之內穿越日本各大雜誌，成為封面常客之餘更推出超過30本電子寫子，單單睇呢個產量你就知佢有幾受歡迎。

雖然「白濱美兎」嘅臉蛋稚氣未除，大家或者覺得佢仲係個小妹妹。但事實上佢嘅可愛童顏正正係佢火速走紅嘅原因之一。早年登上《週刊Playboy》時更獲得「鳥取縣妹妹」嘅稱號，憑住地緣關係進一步凝聚人心。再加上白到反光嘅嫩滑肌膚，以及佢自稱小學時就已經令佢頸梗膊痛嘅豐滿身材，難怪有媒體認為佢有望成為「統一」整個寫真界！唔知各位又願唔願意被佢統治呢？

IG：shirahama_miu