有人話香港人嘅每一日就係起身返工放工食飯屙屎瞓覺，我覺得佢真係將我哋嘅生活睇得太簡單－－淨係「起身」同「返工」之間，起碼都要加返「走車」、「等車」、「上車」、「塞車/壞車」、「轉車」再「落車」呢幾個步驟落去啦！一個唔該我返工仲耐過我飛一次台灣呀大哥，生活點會唔充實呀？

咁你話點樣渡過呢啲光陰？咪不停Loop Instagram囉！但睇黎睇去都係嗰幾條麻甩仔friend有咩好睇喎！唔怕，等我介紹以下呢個日本「Instagram」女王，起碼一朝見到都醒醒神先呀！

水原希子 (i_am_kiko)

日本最灸手可熱嘅模特兒，亦係韓國男子天團《Big Bang》隊長G-Dragon嘅緋聞女友，喺日韓兩地以至國際上都非常有名(受唔受歡迎就另一回事)。目前Instagram Followers人數有成二百三十萬，自命潮人嘅你好應該要Follow，但如果你想睇肉嘅話就好有難度－－佢本身都冇肉又比咩你睇呢可以？

Maggy (maggymoon)

另一個經常佔據日本時尚雜誌封面嘅人氣模特兒。爸爸係蘇格蘭裔加拿大人、媽媽係日本。小時候喺加拿大長大，後來跟隨媽媽回流日本。近年接替小嵨陽菜成為Peach John代言人。亦都因為咁所以Instagram久唔久會有內衣照。

石川恋 (ren_ishikawa)

琴日先介紹過嘅「1000個Like Morning Girl」，詳細資料就去返上一篇到睇。雖然作為一個寫真女星出埋碟，但整個Instagram肉色部份甚少。不過睇樣都夠做嘅！

ざわちん (kaori_0816)

原名小澤かおり，以模仿前AKB成員板野友美出名，模下仿下就連自己都出埋道。藝名都係模仿板野友美親善暱稱「ともちん*Tomo Chin)」，取姓氏「小澤（おざわ）」其中兩個音成為「ざわちん」。雖然肉色部份唔算多，但有「隱性巨乳」之稱，久唔久會有驚喜。

森下悠里 (yuurimorishita)

今年三十歲嘅G奶寫真女星，成個人都處於一個熟到出哂汁嘅階段。同時Fans Service都十分到肉，絕對唔會吝嗇於展示自己嘅身體。不過顏值就未必夠上面啲小鮮肉高啦。

佐藤かよ (satokayo1226)

又係之前有介紹過嘅日本變性人Model。雖然淨係睇相係幾好J，但一諗到佢本身係男仔我又有啲驚驚。值得一提嘅係更新密度頗低，隔幾日先一張相，其實冇咩嘢睇。

內田理央 (rio_uchida)

原寫真女星，日本新生代女演員，目前正在出演《仮面ライダードライブ(幪面超人Drive)》，仲出咗寫真集《Magical》。

染谷有香 (yukaaa___3)

記唔記得早幾日Morning Girl有個企喺架AE86前面嘅女仔？就係柒谷有香啦！可想而知佢個Instagram係咩料子啦！

渋谷ゆり (shibuya_yuri)

一個會喺Instagram自我介紹寫明「日本的模特儿(不是AV)」嘅模特兒。睇相呢，又難怪人哋會咁樣諗佢嘅。不過就算寫到明呢，都只係令到啲人問第二個問題啫：「咁幾時拍AV呀？」