睇得我哋「深夜系列」嘅人，相信平時都會喺社交媒體睇下靚女，如果係咁，大家又覺唔覺得香港近年好似越黎越少漂亮嘅新面孔？好似睇黎睇去都係嗰啲人咁？喺呢方面日本寫真界就好得多，每年至少都有幾個一嗚驚人嘅新人出道，好似今晚要介紹呢位「高野真央」，就係其中之一啦！

現年22歲嘅「高野真央」，係日本著名經理人公司「Seju」於今年推出嘅寫真女星。出生於日本栃木縣嘅佢，中學時為咗活動身體同時學習禮儀而加入劍道部，結果又真係練出一副可以深蹲105kg嘅健美身材。中學畢業之後佢轉讀護士學校，並於今年3月畢業。但佢就冇打算以護士為職業，而係選擇出道成為寫真偶像，於畢業同一個月就己經於《週刊Playboy》上首次亮相。

「高野真央」嘅處女寫真曝光之後，就憑充滿陽光氣息嘅外表、擁有兩個酒粒嘅可愛面孔，以及有肉得黎恰到好處、前凸後兀嘅好身材火速成為寫真界嘅新寵兒，日本媒體仲為佢標上「犯罪級玲瓏浮凸身材」（反則級のメリハリボディ）嘅誇張稱號。甚至6月時出道只係短短三個月就獲得《週刊Playboy》再次邀請拍寫真，仲上埋封面添！由此可見「高野真央」嘅吸引力。大家亦可以期待一下佢未來嘅發展啦！

IG：mao_takano_