{ SKIP }
文:MenClub 魏文青  
POSTED ON 01 Sep 2025

為咗要寫「深夜系列」,所以每次我見到啲日本靚女,都會上網搜尋下佢嘅資料,睇下值唔值得同大家介紹。但近日當我搜尋呢位「櫻井もえ」時,Google竟然帶咗我去幾個AV網!咁係咪代表呢位啱啱退團嘅前偶像成員轉戰成人市場?可惜當我睇真啲,先發現一切都係誤會!

先介紹下今篇本嘅主角。雖然「櫻井もえ」從未公佈自己嘅真實年齡,但從佢擁有日本牙齒衞生員證照、而且真係於牙科診所工作過嘅資歷黎睇,佢起碼係20歲之後先轉戰偶像界,依家就應該廿三、四歲左右。「櫻井もえ」最早於2022年作為女團「BUGS MART」嘅創團成員出道,但短短半年內就移藉到另一女團「I MY ME MINE」,直到今年6月退團。期間唔單止團體發展唔錯,佢本人亦曾多次登上寫真雜誌以至《週刊Young Jump》等。亦或者係因為覺得拍寫真更有前途,所以佢於今年6月宣佈退團,上月再上埋《週刊Young Jump》封面,未來可能會於寫真界繼續發展。

咁點解搜尋佢個名會出現AV呢?原因就係有AV女優同佢撞名,而且唔係一個,係兩個。分別係2019年出道嘅企劃單體女優「井萌」(讀音一樣),以及2022年於著名成人片商Moodyz出道嘅單體女優「桜井もえ」。兩位女優嘅生涯都唔算非常成功,而且都於一年左右就引退,所以大家唔識係好正常嘅。

一個偶像同AV女優撞名好似有啲尷尬,唯有期望「櫻井もえ」嘅事業發展至少比兩位同名女優好啦!

IG:mooochan46

以往嘅聲優只需要把聲有特色、能夠演繹角色嘅神粹就已經足夠,但後來唔單止要唱歌好聽、仲要自己都有返咁上下顏值可以走出幕前。發展到今時今日,已經唔係「生得靚嘅聲優走出黎見人」、而係「生得靚嘅人走去做聲優」 ...
girls
【深夜】聲優界寫真公主 環球小姐代表「礒部花凜」
24 Sep 2025
雖然話唔少日本女星都係因為拍寫真而走紅,繼而獲得大量演出機會,但其實亦有人係因為拍過寫真而失去演出機會。好似今晚要介紹呢位「黑木ひかり」咁,就喺因為拍過性感寫真而於未能出演《美少女戰士》。好在佢無被呢 ...
girls
【深夜】太性感不能演《美少女戰士》 日菲混血神級美少女「黒木ひかり」
22 Sep 2025