講起大家細個睇嘅兒童節目，大家最有印象嘅大概都係主間播嘅卡通，然後就係譚玉瑛姐姐，再唔係就係蓋世寶甚至係「認字特警」，好少有人會記得啲大人主持隔離其實仲有一班童星主持，而你更唔會知嘅就係佢哋長大之後究竟去咗邊，變咗咩樣。但如果你係日本小朋友的話，你就至少會知道其中一位童星主持嘅去向，就係今晚要介紹、去咗拍寫真嘅「渡辺優奈」！

2002年出生、現年23歲嘅「渡辺優奈」，早於10歲就因為媽媽朋友嘅建議而去做童星，並出演過多部電視劇。14歲時佢加入東京電視台嘅兒童節目《おはスタ》嘅助理主持人團隊「おはガール」，雖然只係做咗唔夠一年時間，都算係陪伴日本小朋友成長。隨後佢轉咗經理公司，並於今年5月加入新女團「iRiNE」偶像出道，算係慢慢從面向小童觀眾轉向成人市場。

不過對於一眾成年Fans黎講，「渡辺優奈」嘅成名作應該係2024年以外卡身份參加「Miss Magazine 2024」。雖然最終咩獎都拎唔到，但就已經為其打開進入寫真界嘅大門，並於今年5月登上《FLASH》獻出寫真處女作，以稚氣未除嘅可愛面貌加上頗有睇頭嘅好身材成功引起注意。

IG：yuna_watanabe__