話咁快又黎到2025年最後一日，我先借呢篇文祝大家2026年心想事成、健康平安！而如果你睇到呢句嘢嘅反應係：「新年有咩好慶祝啫！」的話，我唔會試圖說服你，但我會建議你用另一個角度去睇1月1日——事關今晚要介紹嘅呢位「斉藤里奈」就係1月1日出世，唔鍾意慶祝新年的話，轉為慶祝靚女生日件事你會唔會順眼啲？

「斉藤里奈」係2001年嘅元旦寶寶，聽日就滿25歲嘅佢，最早係參加旨在選出「全日本最可愛大學新生」嘅「FRESH CAMPUS CONTEST 2019」，並獲得亞軍而廣為人知。2022年時佢再參加日本著名寫真選美比賽「Miss Magazine 2022」，雖然再次只能屈居亞軍，但就已經為佢鋪開進入演藝界之路。之後佢除寫真活動之外仲做埋演員，去年更推出首本個人寫真集，算係冒起得最快嘅新人之一。

睇相你就會知「斉藤里奈」身型偏瘦，160cm嘅佢上圍絕對稱得上「平平無奇」。不過日本媒體就大力吹捧佢有個圓渾翹挺嘅Pat Pat，更因為佢個名與同樣有個翹臀嘅「秋山莉奈」讀音一樣，所以就將後者當年嘅稱號「オシリーナ」（直翻就係「お尻莉奈」）送畀佢，叫佢做「令和的オシリーナ」。至於「斉藤里奈」未來嘅事業會唔會好似「秋山莉奈」咁成功，就睇大家有幾支持佢啦！

IG：rina_pyonpyon