早前同大家報導日本《超級戰隊》系列停播時，有提過另一日本特攝系列《幪面超人》正努力進軍海外。而由去年9月開播嘅《幪面超人ZEZTZ》更係系列首次日本、美國、亞洲同步播放，可見佢哋有幾重視海外市場。而今晚要介紹呢位「小貫莉奈」，就有份出演《幪面超人ZEZTZ》，或者佢都可以同劇集一樣紅出國際？

現年24歲嘅「小貫莉奈」出生於日本茨城縣。早於17歲時，佢就已經參加日本著名嘅「超十代」徵選，並獲得全場總冠軍而出道。翌年唔單止開始出演電視劇，仲因為出演寶礦力廣告成為第三代寶礦力女孩，令佢人氣大增，獲得更多演出機會。2023年時佢於《幪面超人GEATS》中出演我那霸冴（幪面超人LOPO）獲得好評，於是到今年開播嘅《幪面超人ZEZTZ》又搵佢返黎出演「南雲 なすか」一角，雖然今次無得變身，但反而令Fans們更熟悉佢充滿知性及冷艷感嘅面孔。

除咗演員工作之外，「小貫莉奈」於2019年亦為《週刊Playboy》獻出處女寫真，憑住其10頭身超強身材比例、股下83cm嘅修長白滑長腿、肌肉線條明顯嘅緊實腰肢以及頗有睇頭嘅上圍令讀者留下深刻印象，近年亦久唔久會推出新寫真滿足Fans。

IG：rina_onuki0529