大家仲記唔記得2009年時自己做緊啲咩？仲讀緊書？啱啱出黎做嘢？而今晚要介紹嘅呢位「メイリ」就係於當年出道，換言之佢今年已經係出道第17年，難得嘅係即係資歷同年齡都有返咁上下，但佢嘅面貌身材依然Keep得好好，甚至寫真尺度都係一如以往嘅大膽，都真係堪稱日本寫真界長青樹之一啦！

「メイリ」出身於北海道，加上本身皮膚白晢非常符合日本對北海道人嘅刻版印象，所以有「色白道產子」之稱。早年佢曾用「メイリ・マロンフィール」以及「水沢めい」之名活動，並從2009年起加入偶像女團「Afilia Saga East」。由於上圍非常豐滿（當時稱為J Cup）嘅關係，所以佢於出道翌年就已經出過寫真DVD以及電子寫真集，不過當時亦然係以偶像活動為止。直到2017年退出團體、轉投著名經理人公司01Familiar、並改名做「メイリ」之後先全力向寫真界發展，並於往後四、五年間推出無數寫真DVD及寫真作品，奠定佢於寫真界嘅地位。

2021年時，佢曾經因為身體狀況而短暫停工，期間退出01Familiar成為自由身，並於2022年初復出。或者係因為年紀漸長更有信心展現自己嘅I Cup身材、亦或者係因為無經理人限制，所以復出後佢嘅寫真作品尺度越黎越大、動作亦越黎越煽情。啲咩「南北半球」、「以手遮點」、「背面全裸」應有盡有，甚至連社交媒體上嘅日常照都係「波光四射」非常養眼。以佢依家呢個狀態，相信於寫真界仲大有可為呀！

IG：meiri_01familia